=6. Fernando de Trastamara el Katolico, Rey de Aragon y de Kastiya: “Es nuestro hermano, carne nuestra es, de sangre de judíos; bendecirá nuestras obras y nuestro rebaño se desbordará por el país” (Rabí Eliyahu Capsali, “Seder Eliyahu Zutá”, cap. XX, 1523, traducción de Yolanda Moreno Koch, “El judaísmo hispano”, Universidad de Granada, 2005)
=5. Juana Enrikez i Juan de Trastamara, Infante de Aragon, dospues Rei de Aragon
=4. Fadrike Enrikez, Almirante de Kastiya (trokado por Eliyahu Capsali i Orobio de Kastro kon su aguelo o nono omonimo) i Marina de Ayala.
=3. Alonso Enrikez, n. Guadalkanal, 1354, elevado en su famiya Judiya fin a los sinko o los seys anyos (Eliyahu Capsali), Almirante de Kastiya, i Juana de Mendoza
=2. Palomba [de Guadalkanal], n. verso 1335, i Fadrike de Kastiya, n. 1333, Maestre de Santiago.
=1. Un haham (asigund Yishaaq Orobio de Kastro)
La tradisyon Judiya konfirma este orijin del Rey Don Fernando. Eliyahu Capsali, en 1523, y Yishaaq Orobio de Kastro, en el syeglo siyinte, meten a Paloma komo aguela o nona del Rey Fernando, porke konfunden a Fadrike de Kastiya, Maestre de Santiago, kon su inyeto Fadrike Enrikez, Almirante de Kastiya.
Eliyahu Capsali dishe ke el Maestre la forzo kuando kasada. Algunos dishen ke estava kasada kon el Mayordomo de Don Fadrike.
Orobio de Castro dishe ke Paloma era ija de "un prove Haham ke salyo de la miserya a una opulensya kuaji real" Julio Caro Baroja entyende ke avla de Shelomoh ha Levi, ijo de Yishaaq ha Levi, Haham de Burgos, i de Maria Benveniste.
Otros dishen ke Paloma era ija de Gedaliah ibn Yahya, ke era mediko del Rey de Portugal i dospues vino a Kastiya al servisyo de Enrike 3 i en su vyejez, en 1370, yego a ser Kavesa de todos los Kahalim del Reyno, enkumbramyento ke le pudo vinir de ke en 1360 su posivle inyeto fuera rekonosido por Don Fadrike.
Las dos linias konduisen a David ha Melek, el Rey David, por lo ke el Rey Katoliko seriya desendyente suyo.
